Jovie Espenido To Ilonggos: Relax Lang, Mananatili Muna Ako Sa Ozamiz
Umapela si Iloilo City Police Office officer-in-charge Chief
Inspector Jovie Espenido sa mga Ilonggo na huwag madaliin ang paglipat niya sa
Lungsod ng Iloilo.
Sa panayam ng Bombo Radyo Iloilo, sinabi ni Espenido na
maghintay lang ang mga Ilonggo at darating din ang panahon na tuluyan na siyang
makakalipat ng lungsod.
Natitiyak naman ni Espenido na nakaabot na kay Philippine
National Police (PNP) chief police director General Ronald dela Rosa at
Pangulong Rodrigo Duterte ang nais niya na manatili pansamantala sa Ozamiz.
Marami pa aniya kasing tatapusing trabaho sa Ozamiz dahil
kahit wala na si Mayor Reynaldo Parojinog, marami pa rin itong galamay na hindi
pa nahuhuli.
Kailangan daw ayon kay Espenido na maaretso muna lahat ng
mga masamang tao sa Ozamiz bago iwan ang lugar dahil naaawa siya sa mga
residente ng lungsod na nagmamakaawang huwag muna siyang umalis.
Pero hindi raw masabi ni Espenido kung ilang buwan bago niya
matapos ang trabaho sa Ozamiz City.
Source: Bombo Radyo
Jovie Espenido To Ilonggos: Relax Lang, Mananatili Muna Ako Sa Ozamiz
Reviewed by Yen
on
September 01, 2017
Rating:
Post a Comment